13 xaneiro 2015

Rexistro Galego de Instrucións Previas

Hai pouco publicouse o Decreto 159/2014, polo que se establece a organización e funcionamento do Rexistro Galego de Instrucións Previas sobre coidados e tratamento da saúde, renovando o marco xurídico sobre este aspecto e desenvolvendo o establecido na Lei 12/2013 de garantías das prestacións sanitarias.

As instrucións previas consisten nun documento, mediante o cal, unha persoa maior de idade, capaz e libre, manifesta anticipadamente a súa vontade, co fin de que esta sexa cumprida no momento en que chegue a situacións nas cales non sexa quen de expresala persoalmente, sobre os coidados e o tratamento da súa saúde ou, unha vez chegado o falecemento, sobre o destino do seu corpo e dos seus órganos. 

05 xaneiro 2015

Vivir con artrite: consellos (31)


Deporte e espondilite anquilosante.
O deporte é sempre recomendable, por non dicir imprescindible, en todos nós, incluído os pacientes con espondilite anquilosante. Realizar exercicio aeróbico mellora o sistema cardiovascular e a función pulmonar. Por outro lado, mantén o ton muscular de maneira que mellora as contracturas que aparecen ao longo do día e mellora a flexibilidade dos pacientes con espondilite mellorando a rixidez e a mobilidade. (...) A elección do exercicio ou deporte a realizar virá determinado polo grao de afectación (...) É bo engadir en calquera que sexa a actividade deportiva que se realice, un especial interese nos estiramentos, en traballar a musculatura do tronco e cadeiras e exercicios da caixa torácica. (...) Son especialmente interesantes os deportes dentro de medio líquido xa que este protexe as articulacións do impacto aínda que non sempre se adapta aos nosos gustos. Non existe ningun deporte especialmente contraindicado de forma xeral pero recoméndase que se eviten os deportes de alto impacto ou que supoñan un maior risco de fracturas como poida ser a hípica ou o rugby.

Extraído de: Revista Mira, nº 4. Artigo “El paciente pregunta” Dra. Mireia Moreno

26 decembro 2014

A Unidade de Rematoloxía Pediátrica do CHUS

Os nenos e nenas, ao igual que os adultos, poden padecer enfermedades reumáticas; de feito en España máis de 10.000 nenos/as sofren algunha enfermidade reumatolóxica. O descoñecemento deste tema na sociedade actual, fai que a población non asuma estas enfermedades nos nenos da forma máis adecuada, o cal conduce a un diagnóstico e tratamento tardío coa consecuente repercusión no seu estado de saúde. A gran maioría destes padecementos son de base autoinmune sendo necesaria unha atención máis especializada deste tipo de enfermedades e os seus complexos tratamentos.

A Unidade de Reumatoloxía Pediátrica do Hospital Clínico de Santiago de Compostela nace a partir da colaboración entre pediatras e reumatólogos con experiencia no tratamento de nenos e nenas con enfermedades reumáticas e en conexión con outros centros que manteñen unha atención similar. A Unidade formouse co obxectivo de atender aos problemas e necesidades dos nenos da nosa área sanitaria con problemas reumatolóxicos. Desta maneira pódese atender a población pediátrica dunha maneira máis integral e personalizada, ao mesmo tempo que nenos e pais/nais poden relacionarse con outros cando asisten á consulta, o cal axuda á normalización e a unha maior comprensión da súa situación.

O reto desta Unidade é cegar ao maior número posible de nenos e nenas con enfermedades reumáticas co fin de realizar un diagnóstico e tratamento precoz que minimice posibles lesións, alones as secuelas e mellore a súa calidade de vida.

Compoñentes do equipo:
  • Dr. Mera Varela (Reumatólogo)
  • Dr. Souto Vilas (Reumatólogo)
  • Dra. López Sousa (Pediatra)

Ampliamos a actividade de TaiChi e Meditación

Comecemos o ano con bo pé. E qué mellor maneira de facelo que practicando algunha actividade para o coidado da nosa saúde.
As actividades de Meditación e Tai Chi axúdannos a reducir a tensión muscular ofrecendo un alivio da dor e por conseguinte fan que nos sintamos moito mellor.
Por isto, anunciamos que ampliamos a oferta desta actividade, que ademais de ofrecerse no CSC de Fontiñas, tamén se fará no CABES.
  • Lugar: Casa das Asociacións de Benestar Social (CABES), R/ Manuel María nº 6, Santiago (Zona Salgueiriños). (Ximnasio).
  • Inicio da actividade: 12 de xaneiro do 2015.
  • Grupo mínimo: 6 persoas.

TAI CHI:
  • Luns e mércores de 17 a 18 h.
  • Prezo socios/as: 25 € trimestre.
  • Prezo non socios/as: 50€ trimestre.

MEDITACIÓN:
  • Lunes e mércores de 18 a 19 h.
  • Prezo socios/as: 25 € trimestre.
  • Prezo non socios/as: 50 € trimestre.

INSCRICIÓN NAS DÚAS ACTIVIDADES: 
  • Prezo socios/as: 40 € trimestre.
  • Prezo non socios/as: 80 € trimestre.
Para inscribirte, podes facelo a través do email da asociación: info@artrite-santiago.org ou ao tlf: 659 084 950.




24 decembro 2014

Dende a Asociación de Artrite de Santiago, desexámosvos que disfrutedes nesta Noteboa, que pasedes moi bo Nadal e que o 2015 veña cargado de bos momentos!


03 decembro 2014

Taller sobre uso axeitado dos medicamentos

Escola Galega de Saúde para CidadánsA Escola Galega de Saúde para Cidadáns, do Sergas, imparte o próximo 10 de decembro un taller sobre o USO AXEITADO DOS MEDICAMENTOS
Falarase das funcións dos medicamentos, dos seus beneficios e riscos, da seguridade, da súa eficacia, da automedicación, da polimedicación, da adherencia, e da participación do paciente nas decisións sobre o seu tratamento.

Será no Hospital Clínico de Santiago de 16:00 a 20:00 h. Edificio de docencia, aula 3, 1º piso.
Ver programa
Facer inscrición (Se o prefires, podes chamar á asociación para que formalicemos a inscrición directamente coa Escola Galega de Saúde para Cidadáns)

01 decembro 2014

Vivir con artrite: consellos (30)


Alterne períodos de actividade e de descanso.
Distribúa os seus labores ao longo do día para evitar movementos repetitivos sobre as mesmas articulacións. Traballe a un ritmo tranquilo e pausado intercalando períodos de descanso antes de sentirse fatigado ou dorido.

Extraído de: Revista Mira, nº 4. Artigo “Hábitos para cuidar las articulaciones”, de María Victoria Barrera